Германиянинг Рейнланд-Пфальц ва Шимолий Рейн-Вестфалия ўлкаларида рўй берган сув тошқинида қурбон бўлганлар сони 33 кишига етди, деб хабар берди маҳаллий Bild нашри.
Жаладан энг кўп жабр кўрган Арвайлер туманида (Рейнланд-Пфальц) 18 киши офат қурбони бўлди. Шульд коммунасида тошқинлардан олтита уй қулаб тушган.
Рейнланд-Пфальц ўлкаси ички ишлар вазири Рожер Левентцнинг айтишича, тошқин оқибатида 50 кишидан то 70 га яқин кишининг тақдири номаълумлигича қолмоқда.
Қутқарув ишларига фавқулодда вазиятлар хизматидан ташқари бундесвер кучлари ҳам сафарбар этилгани айтилмоқда.